Shimoliy Koreya poytaxti Pxenyanda bo‘lib o‘tayotgan futbol bo‘yicha “Ari Sports Cup” xalqaro o‘smirlar turnirida “Bunyodkor” futbol maktabi tarbiyalanuvchilari ham ishtirok etmoqda. Bu haqda "12news.uz" xabar bermoqda.
Otabek G‘ulomxo‘jayev shogirdlari birinchi uchrashuvda mezbonlarning “Pxenyan” jamoasiga 0:3 hisobida imkoniyatni boy bergan bo‘lsa, keyingi ikki o‘yinda Janubiy Koreyaning “Kangvondo” va Xorvatiyaning NK OSIYeK klublaridan tegishli ravishda 2:0 va 1:0 hisobida ustun keldi. Endi ularni yarim finalda mezbonlarning yana bir jamoasi —“Sport kluba 4.25” qarshi oladi.
O‘yinlar Shimoliy Koreya poytaxtida joylashgan Osiyo qit’asidagi eng katta stadionda o‘tkazilayotgani va ularga 50-60 ming nafar tomoshabin yig‘ilayotgani aytilmoqda.
Izoh (0)