Joriy yilning 24-avgustidan Ukraina MDH davlatlari qidiruv bazasi tizimidan chiqadi. Bu haqda Ukraina bosh vaziri Yatsenyuk 20-avgust, payshanba kuni Borispolda ma’lum qildi, deb yozadi “Yevropeyskaya Pravda”.
“24-avgustdan MDH mamlakatlarining qidiruv bazasidan chiqamiz, chunki Moskva protsessual topshiriqlarimizni bajarmadi va bizning Interpol ma’lumotlar bazasiga qo‘shilimiz endi dunyodagi yagona xalqaro qidiruv tizimining bir qismi bo‘lganimizni bildiradi”, — dedi u.
Nashr eslatishicha, yil boshida Ukraina ichki ishlar vazirligi MDHda amal qiluvchi qidiruv tizimidan chiqish uchun hujjat tayyorlayotganini ma’lum qilgan, o‘shanda vazir Arsen Avakov MDHdagi qidiruv tizimi to‘liq Rossiya adliyasi tomonidan boshqarilishini aytgan edi.
Izoh (0)