KXDR Seulning Pxenyanga qarshi psixologik urush olib borish vositalari — ovoz kuchaytirgichlar o‘rnatilgan minoralarini yo‘q qilish maqsadida Janubiy Koreya tomon o‘t ochgan. Bu haqda “RIA Novosti” xabar bermoqda.
Besh kun avval KXDR, agar Janubiy Koreya ovoz kuchaytirgichlarni olib tashlamasa, Shimoliy Koreya armiyasi ularni yo‘q qilishini ma’lum qilgandi. Koreya markaziy telegraf agentligi orqali Pxenyanning Seulga “ochiq ogohlantirishi” e’lon qilinib, unda agar talablar bajarilmasa, butun front bo‘ylab “Shimolga qarshi psixologik urush vositalarini yo‘q qilish bo‘yicha adolatli, keng miqyosli harakatlar boshlanishi” ta’kidlangandi.
Avval xabar berilganidek, 20-avgust kuni Janubiy va Shimoliy Koreya o‘rtasidagi qurolsizlantirilgan hududda artilleriya otishmasi yuz berdi. KXDR Janubiy Koreya hududiga qarata 25 ta snaryad uchirdi. Bunga javoban Janubiy Koreya bir necha o‘nlab 155 millimetrli artilleriya snaryadlarini KXDR tomon otdi.
Izoh (0)