KXDR bilan chegaradagi keskin vaziyat tufayli chaqirilgan Janubiy Koreya milliy xavfsizlik kengashi majlisi yerosti bunkerida — “inqirozli vaziyatlar zali”da bo‘lib o‘tmoqda, deya xabar bermoqda “RIA Novosti”.
Chegaradagi otishmadan ikki soat o‘tib chaqirilgan majlisda, taxminlarga ko‘ra, yuz bergan hodisaga qanday munosabat bildirish bo‘yicha takliflar muhokama qilinadi.
Avvalroq Shimoliy Koreya armiyasi, taxminlarga ko‘ra, baravariga o‘t ochish tizimi raketasi yordamida Janubiy Koreya tomonga qarata o‘t ochgan. Bunga javoban Janubiy Koreya armiyasi KXDR yo‘nalishi bo‘ylab kalibri 155 millimetr bo‘lgan quroldan bir necha bor o‘t ochgan.
Keyinroq KXDR armiyasining reaktiv snaryadi Janubiy Koreya harbiylarining marralariga emas, balki tog‘larga borib urilgani haqida xabar berildi.
Janubiy Koreya milliy xavfsizlik kengashi majlisi uning raisi — Janubiy Koreya prezidentining davlat xavfsizligi bo‘yicha kotibi Kim Gvan Jin rahbarligida bo‘lib o‘tadi.
Janubiy Koreya nashrlari xabariga ko‘ra, hodisa yaqinida istiqomat qiluvchi Janubiy koreyaliklar zudlik bilan boshqa hududlarga ko‘chirilmoqda.
Izoh (0)