Rimdan Milanga uchayotgan Alitalia aviakompaniyasi samolyoti po‘rtana sabab old qismiga zarar yetgani tufayli, Neapolga favqulodda qo‘nishga majbur bo‘ldi. Bu haqda “Eurointegration.com.ua” xabar bermoqda.
Ma’lumotlarga ko‘ra, Airbus A319 samolyoti do‘l aralash kuchli po‘rtanaga duch kelgan, mazkur tabiat hodisasi samolyotning oldiga zarar yetkazib, tumshuq qismini qariyb buzib tashlagan.
Havo kemasi bortida 11 kishi bo‘lgan. 4 ming metr balandlikda uchib ketayotgan samolyot parvozning 30-daqiqasida Neapol aeroportiga qo‘nishga majbur bo‘lgan.
The Local nashri xabariga ko‘ra, hodisa natijasida samolyot bortidagi yo‘lovchilarning hech biri jabrlanmagan, biroq aksariyati shok holatiga tushib qolgan.
Qayd etish joiz, Alitalia aviakompaniyasi samolyotlari 2015-yil hisobidan uchinchi marta kuchli yog‘ingarchilik sabab favqulodda qo‘nishni amalga oshirishga majbur bo‘lmoqda.
Izoh (0)