Римдан Миланга учаётган Alitalia авиакомпанияси самолёти пўртана сабаб олд қисмига зарар етгани туфайли, Неаполга фавқулодда қўнишга мажбур бўлди. Бу ҳақда «Eurointegration.com.ua» хабар бермоқда.
Маълумотларга кўра, Airbus A319 самолёти дўл аралаш кучли пўртанага дуч келган, мазкур табиат ҳодисаси самолётнинг олдига зарар етказиб, тумшуқ қисмини қарийб бузиб ташлаган.
Ҳаво кемаси бортида 11 киши бўлган. 4 минг метр баландликда учиб кетаётган самолёт парвознинг 30-дақиқасида Неапол аэропортига қўнишга мажбур бўлган.
The Local нашри хабарига кўра, ҳодиса натижасида самолёт бортидаги йўловчиларнинг ҳеч бири жабрланмаган, бироқ аксарияти шок ҳолатига тушиб қолган.
Қайд этиш жоиз, Alitalia авиакомпанияси самолётлари 2015 йил ҳисобидан учинчи марта кучли ёғингарчилик сабаб фавқулодда қўнишни амалга оширишга мажбур бўлмоқда.
Изоҳ (0)