Indoneziya sharqida g‘oyib bo‘lgan Trigana Air Service aviakompaniyasining ATR 42-300 yo‘lovchi samolyoti bortida qashshoq oilalar uchun mo‘ljallangan 6,5 milliard Indoneziya rupiysi (470 ming dollar atrofida) bo‘lgan. Bu haqda mahalliy pochta vakiliga asoslanib, Frans Press ma’lum qildi, deya xabar bermoqda “RIA Novosti” .
Jayapur shahridan Oksibil aeroportiga yo‘l olgan samolyot 16-avgust, yakshanba kuni mamlakat sharqida yo‘qolgan. Qutqaruvchilar Oksibil shahridan 12 kilometr narida samolyot bo‘laklarini topgani aytilmoqda, lekin bu xabar hali rasman tasdiqlanmadi.
Havo kemasi bortida 49 yo‘lovchi va 5 nafar ekipaj a’zosi bo‘lgan, ularning barchasi Indoneziya fuqarolari edi.
Izoh (0)