Швейцариянинг уч банки солиқдан бўйин товлаган америкаликларга хизмат кўрсатгани учун АҚШга жами 8,4 миллион доллар миқдорида жарима тўлайди. Бу ҳақда «Сегодня.ua» хабар бермоқда.
АҚШ Адлия вазирлиги томонидан эълон қилинган ахборотга кўра, Луганодаги PKB Privatbank ва Credito Privato Commerciale банклари, шунингдек, Цюрихдаги Falcon Private Bank билан тўловлар маласида келишувга эришилган.
2015 йилнинг март ойида Швейцариянинг Privatbank BSI SA банки АҚШ Адлия вазирлиги билан 211 миллион доллар тўлаш борасида келишувга эришганди. Мазкур банкнинг ҳам америкалик мижозлари солиқдан бўйин товлаганлар бўлиб чиққан.
Агар банк товон пулини тўлашдан бош торца, у ҳолда жиноятга шерик сифатида таъқиб остига олинган бўларди. Умуман олганда, шунга ўхшаш қоидабузарликларга йўл қўйгани учун Швейцариянинг 25 банки АҚШ томонидан жаримага тортилган.
Изоҳ (0)