Shifokorlar falajlikka uchragan kishilarning oyoqlariga harakatni birinchi marta jarrohlik amaliyotisiz qaytara oldi. Bu haqda “Korrespondent.net” xabar bermoqda.
Tajribada oyoqlari bir necha yil davomida harakatsiz bo‘lgan 19 dan 56 yoshgacha bo‘lgan besh kishi ishtirok etdi. Mutaxassislar umurtqa pastki bo‘limidagi neyron aloqalari buzilgani sababli bu mijozlarning oyoqlariga hech qachon jon kirmasligini ta’kidlagan edi.
Ishtirokchilar 18 hafta mobaynida haftada bir marta, 45 daqiqa davomida jismoniy mashqlar bilan shug‘ullangan, shuningdek, bir oy kuniga ikki mahal nevrozlarni davolash uchun buspiron dorisini qabul qilgan. Ularning tanasiga bel va dumg‘azaga maxsus elektr signallar yuboradigan elektrodlar o‘rnatilgan. Natijada besh mijozda ham oyoqlarni harakatlantirish qobiliyati tiklangan.
Olimlar mijozlari kelgusida to‘laqonli yurib ketishiga 100 foiz kafolat berilmasligi, ammo ularga oyoqlarining harakatlanish va sezish qobiliyatining qaytib kelganligining o‘zi ham katta muvaffaqiyat ekanligini ta’kidlamoqda.
Izoh (0)