“Roskosmos” sentabrda Xalqaro kosmik stansiyaga yo‘l oladigan ekspeditsiyaning asosiy va dublyorlik qiluvchi ekipajini tuzdi, deya xabar bermoqda “Gazeta.ru”.
Ekipaj komandiri etib Sergey Volkov tayinlandi. U bilan birga yevropalik astronavt Andreas Morgensen, shuningdek britaniyalik qo‘shiqchi Sara Braytmanning o‘rnini egallovchi qozog‘istonlik kosmonavt Aydin Ayimbetov uchadi.
Dublyorlik qiluvchi ekipaj tarkibida esa rossiyalik kosmonavt Oleg Skripochka, yevropalik astronavt Tomas Pike, shuningdek kosmonavt Sergey Prokopyev bor.
Eslatib o‘tamiz, avvalroq ushbu ekspeditsiya tarkibiga britaniyalik qo‘shiqchi Sara Braytman kirishi rejalashtirilgan edi. Xonanda buning uchun mashg‘ulotlarga kirishgan edi, biroq may o‘rtalarida oilaviy sharoiti tufayli parvozdan voz kechgan edi.
Ekipajda Braytmandan bo‘shagan joy uchun yaponiyalik biznesmen Satosi Takamatsu, shuningdek professional kosmonavt bo‘lgan, biroq parvoz tajribasiga ega bo‘lmagan rossiyalik Sergey Prokopyev va qozog‘istonlik Aydin Ayimbetov da’vogarlik qilayotgan edi. Keyinroq Takamatsu ham parvozini bekor qildi.
Izoh (0)