Vashington amerikaliklarning shaxsiy ma’lumotlari o‘g‘irlanishida Xitoyni aybdor deb bilyapti va Barak Obama ma’muriyatining fikricha, AQSh bu masalada Xitoyga javob berishi shart. Bu haqda “Kommersant.ru” xabar bermoqda.
“Biz Xitoy hukumatining mazkur harakatlariga munosabat bildirish kerak, degan xulosaga keldik”, — deya AQSh prezidenti ma’muriyatidagi manbadan iqtibos keltirmoqda The New York Times.
“Xakerlik hujumlariga qarshi kurash yo‘lida diplomatik e’tiroz bildirishdan boshlab, har qanday uslublardan foydalanmoq zarur”, — deya qo‘shimcha qildi amaldor.
Avvalroq, Federal tergov boshqarmasi amalda AQSh federal hukumatining kadrlar bo‘limi vazifasini bajaruvchi federal agentlik serverlarining ishdan chiqarilishi yuzasidan surishtiruv harakatlarini boshlagani haqida xabar berilgan edi.
AQSh Kadrlar ishlari bo‘yicha boshqarmasi serverlariga buzib kirilishi oqibatida federal idoralarning 4 million nafar xodimining shaxsiy ma’lumotlari o‘g‘irlangan.
Izoh (0)