Insoniyat tarixi bir necha ming yilliklar bilan cheklanib qolmaydi, biroq olimlar hali hamon ko‘plab savollarga javob topa olmayapti. Arxeologik qazishmalar vaqtida topilgan artefaktlar mutaxassislarni ikkilantirib, tilsimni yechishga bo‘lgan qiziqishni faqat oshirib kelmoqda xolos, deb yozadi “Adme.ru”.
Kosta-Rikaning gigant tosh sharlariIdeal darajada aylana ko‘rinishida bo‘lgan mazkur tosh tuzilmalar nafaqat o‘z ko‘rinishi, balki tushunarsiz kelib chiqishi bilan ham olimlarni o‘ylantirib keladi.
Ular ilk bor XX asrning 30-yillarida, banan plantatsiyalari uchun junglilarni yo‘q qilayotgan ishchilar tomonidan topilgan. Mahalliy afsonalarga ko‘ra, bu toshlar ichiga oltin yashirilgan. Biroq portlatib, ichi ochib ko‘rilgan aksariyat petrosferalar bo‘sh chiqqan.
Bu toshlar qachon, kim tomonidan va qay maqsadda tayyorlangani noma’lum. Taxminlarga ko‘ra, bu yo samoviy jismlarning Yerdagi timsollari, yoki turli qabilalar o‘rtasidagi chegara belgisi bo‘lgan.
Bag‘dod batareykasiXX asrning 30-yillari Bag‘dod yaqinidagi qazishmalar vaqtida “Bag‘dod batareykasi” nomini olgan sirli artefakt topilgandi. U bo‘g‘zidan zanglagan temir xivchin o‘tkazilgan 13 metrli idish ko‘rinishida edi. Idish ichida mis silindr, silindr ichida esa temir tayoqcha bor edi.
Topilmaning tuzilishidan kelib chiqib, olimlar bu 1 volt kuchlanishda elektr toki ishlab chiqarishi mumkin bo‘lgan qadimiy batareyka degan xulosani ilgari surdi.
Taxminlarning biriga ko‘ra, bu kabi batareykalardan oltinni galvanizatsiyalash jarayonida foydalanilgan bo‘lishi mumkin. Biroq, bu kabi batareykalarni tayyorlash amaliyoti nima sababdan yo‘qolib ketgan va boshqa joylarda uchramaydi — bu savol hamon ochiq qolmoqda.
Voynich qo‘lyozmasiVoynich qo‘lyozmasi — jahondagi eng sirli kitob. Uning muallifi yo‘q, tushunarsiz tilda yozilgan, sahifalari esa tushuntirib bo‘lmaydigan timsollar va g‘alati suratlar bilan bezatilgan.
Qo‘lyozmaning nostandartligi shundaki, u birorta ham harf tizimiga o‘xshamaydigan o‘ziga xos alifboda yozilgan. Mazkur tushunarsiz belgilar XX asr kriptograflarini boshi berk ko‘chaga olib kirib qo‘ydi va hozirga qadar qo‘lyozma tilsimi yechilgan emas.
Inklarning oltin shakllariJanubiy Amerikada topilgan oltin shakllar tashqi ko‘rinishidan uchuvchi qurilmalarni yodga soladi va bunga ishonish qiyin. Bu kabi shakllarni tayyorlash uchun nima namuna bo‘lgani esa noma’lum.
1996-yili germaniyalik aviamodelchilar — Algund Enbom va Peter Belting sirli jonivorlar ko‘rinishidagi uchuvchi qurilmalar modellari nazariyasini hayotga tatbiq etish mumkinligini amalda isbotladi. Ular “Kolumbiya oltin samolyoti” deb ataladigan shaklning 16 marta kattalashtirilgan aniq nusxasini tayyorlab, uni motor va radioboshqaruv tizimi bilan ta’minladi.
Aviamodelchilar tayyorlagan ikki model nafaqat havoga ko‘tarilishga, balki oliy pilotaj harakatlarini ajoyib tarzda bajarish, shuningdek, dvigateli o‘chirilgan vaqtda to‘g‘ri parvoz qilishga ham muvaffaq bo‘ldi.
Genetik diskAqlbovar qilmas topilma hisoblangan genetik diskda zamonaviy inson faqat mikroskop yordamida ko‘rishi mumkin bo‘lgan narsalar va jarayonlar tasvirlangan. Diskda, katta ehtimol bilan, homilaning paydo bo‘lishi va rivojlanishi ko‘rsatilgan. Boshining shakli tushunarsiz bo‘lgan odam qiyofasi ham artefaktning g‘alati suratlaridan biri hisoblanadi.
Disk lidit nomli juda mustahkam toshdan tayyorlangan. O‘zining haddan tashqari mustahkamligi bilan birga u qatlamli tuzilishga ega va shu sababli, mazkur artefakt topilganiga qaramay, bu toshdan xuddi shu artefaktga o‘xshash buyum tayyorlashning na amaliy, na nazariy jihatdan imkoni bor.
Antikiter mexanizmiAntikiter mexanizmi hozirgi vaqtda ma’lum bo‘lgan eng qadimiy hisoblash mexanizmi, o‘zining ochiq ko‘rinib turgan murakkab konstruksiyasi sabab, kompyuterning ilk muqobili hisoblanadi.
O‘nlab yillar davom etgan tadqiqotlardan so‘ng, olimlar mexanizm Quyosh, Oyning holati, sayyoralarning harakatini ko‘rsatishi, Quyosh va Oy tutilishi haqida va hatto Olimpiya o‘yinlari kabi muhim voqea-hodisalar haqida oldindan xabar berishini aniqlashga muvaffaq bo‘ldi.
Izoh (0)