Facebook ijtimoiy tarmog‘i internetga ulanish signallarini tarqatuvchi va quyosh batareyalarida ishlaydigan gigant dronlarni sinashga tayyor. Bu haqda “Gazeta.ru” xabar bermoqda.
Ijtimoiy tarmoq muhandislari tomonidan tayyorlangan uchuvchisiz parvoz qiluvchi qurilmaning og‘irligi 457 kilogramm, qanotlarining umumiy uzunligi esa 43 metrga teng. Dron yerga o‘rnatilgan stansiyalarga signal uzatishda lazer nurlaridan foydalanadi.
Mazkur dron sayyoraning eng chekka hududlarida istiqomat qiluvchilarni internetga ulash dasturi doirasida ishlab chiqilgan. Facebook xuddi shu maqsadlar uchun dronlardan tashqari sun’iy yo‘ldoshlar va boshqa qurilmalarni ham ishlab chiqishni rejalashtirmoqda.
Facebook’ning raqobatchisi — Google kompaniyasida ham shunga o‘xshash dastur bo‘lib, uning doirasida Yerga internet-signal uzatuvchi sun’iy yo‘ldoshlar va havo sharlari ishlab chiqiladi.
Izoh (0)