“Yandeks.Perevodchik” matnlar va veb-sahifalarni avtomatik ravishda tarjima qilish xizmati endi o‘zbek tilidan va o‘zbek tiliga tarjima qiladi, deya xabar bermoqda “Gazeta.uz”.
Nashr eslatishicha, 2014-yil oxirida o‘zbek tili Google Translate tarjima onlayn-servisidagi tillar ro‘yxatiga qo‘shilgan edi.
IT va marketing sohasidagi professional tarjimon Hamza Foziljonov so‘zlariga ko‘ra, Google Translate’da tarjima sifatining yaxshilanishi asosan o‘zbek tilini biladigan ko‘ngillilar faolligiga bog‘liq. Buning uchun maxsus tarjimonlar hamjamiyati bor. “Yandeks.Perevodchik” esa yopiq bo‘lib, unda ko‘ngillilar yordamidan foydalanilmaydi.
“Yandeks”ning tarjima servisi ayni paytda 63 ta tilga, Google’niki esa 90 ta tilga tarjimalarni amalga oshiradi.
Izoh (0)