Инсоният тарихи бир неча минг йилликлар билан чекланиб қолмайди, бироқ олимлар ҳали ҳамон кўплаб саволларга жавоб топа олмаяпти. Археологик қазишмалар вақтида топилган артефактлар мутахассисларни иккилантириб, тилсимни ечишга бўлган қизиқишни фақат ошириб келмоқда холос, деб ёзади «Adme.ru».
Коста-Риканинг гигант тош шарлариИдеал даражада айлана кўринишида бўлган мазкур тош тузилмалар нафақат ўз кўриниши, балки тушунарсиз келиб чиқиши билан ҳам олимларни ўйлантириб келади.
Улар илк бор ХХ асрнинг 30 йилларида, банан плантациялари учун жунглиларни йўқ қилаётган ишчилар томонидан топилган. Маҳаллий афсоналарга кўра, бу тошлар ичига олтин яширилган. Бироқ портлатиб, ичи очиб кўрилган аксарият петросфералар бўш чиққан.
Бу тошлар қачон, ким томонидан ва қай мақсадда тайёрлангани номаълум. Тахминларга кўра, бу ё самовий жисмларнинг Ердаги тимсоллари, ёки турли қабилалар ўртасидаги чегара белгиси бўлган.
Бағдод батарейкасиХХ асрнинг 30 йиллари Бағдод яқинидаги қазишмалар вақтида «Бағдод батарейкаси» номини олган сирли артефакт топилганди. У бўғзидан занглаган темир хивчин ўтказилган 13 метрли идиш кўринишида эди. Идиш ичида мис цилиндр, цилиндр ичида эса темир таёқча бор эди.
Топилманинг тузилишидан келиб чиқиб, олимлар бу 1 вольт кучланишда электр токи ишлаб чиқариши мумкин бўлган қадимий батарейка деган хулосани илгари сурди.
Тахминларнинг бирига кўра, бу каби батарейкалардан олтинни гальванизациялаш жараёнида фойдаланилган бўлиши мумкин. Бироқ, бу каби батарейкаларни тайёрлаш амалиёти нима сабабдан йўқолиб кетган ва бошқа жойларда учрамайди — бу савол ҳамон очиқ қолмоқда.
Войнич қўлёзмасиВойнич қўлёзмаси — жаҳондаги энг сирли китоб. Унинг муаллифи йўқ, тушунарсиз тилда ёзилган, саҳифалари эса тушунтириб бўлмайдиган тимсоллар ва ғалати суратлар билан безатилган.
Қўлёзманинг ностандартлиги шундаки, у бирорта ҳам ҳарф тизимига ўхшамайдиган ўзига хос алифбода ёзилган. Мазкур тушунарсиз белгилар ХХ аср криптографларини боши берк кўчага олиб кириб қўйди ва ҳозирга қадар қўлёзма тилсими ечилган эмас.
Инкларнинг олтин шакллариЖанубий Америкада топилган олтин шакллар ташқи кўринишидан учувчи қурилмаларни ёдга солади ва бунга ишониш қийин. Бу каби шаклларни тайёрлаш учун нима намуна бўлгани эса номаълум.
1996 йили германиялик авиамоделчилар — Алгунд Энбом ва Петер Белтинг сирли жониворлар кўринишидаги учувчи қурилмалар моделлари назариясини ҳаётга татбиқ этиш мумкинлигини амалда исботлади. Улар «Колумбия олтин самолёти» деб аталадиган шаклнинг 16 марта катталаштирилган аниқ нусхасини тайёрлаб, уни мотор ва радиобошқарув тизими билан таъминлади.
Авиамоделчилар тайёрлаган икки модель нафақат ҳавога кўтарилишга, балки олий пилотаж ҳаракатларини ажойиб тарзда бажариш, шунингдек, двигатели ўчирилган вақтда тўғри парвоз қилишга ҳам муваффақ бўлди.
Генетик дискАқлбовар қилмас топилма ҳисобланган генетик дискда замонавий инсон фақат микроскоп ёрдамида кўриши мумкин бўлган нарсалар ва жараёнлар тасвирланган. Дискда, катта эҳтимол билан, ҳомиланинг пайдо бўлиши ва ривожланиши кўрсатилган. Бошининг шакли тушунарсиз бўлган одам қиёфаси ҳам артефактнинг ғалати суратларидан бири ҳисобланади.
Диск лидит номли жуда мустаҳкам тошдан тайёрланган. Ўзининг ҳаддан ташқари мустаҳкамлиги билан бирга у қатламли тузилишга эга ва шу сабабли, мазкур артефакт топилганига қарамай, бу тошдан худди шу артефактга ўхшаш буюм тайёрлашнинг на амалий, на назарий жиҳатдан имкони бор.
Антикитер механизмиАнтикитер механизми ҳозирги вақтда маълум бўлган энг қадимий ҳисоблаш механизми, ўзининг очиқ кўриниб турган мураккаб конструкцияси сабаб, компьютернинг илк муқобили ҳисобланади.
Ўнлаб йиллар давом этган тадқиқотлардан сўнг, олимлар механизм Қуёш, Ойнинг ҳолати, сайёраларнинг ҳаракатини кўрсатиши, Қуёш ва Ой тутилиши ҳақида ва ҳатто Олимпия ўйинлари каби муҳим воқеа-ҳодисалар ҳақида олдиндан хабар беришини аниқлашга муваффақ бўлди.
Изоҳ (0)