2014-yil iyulida Ukraina shimolida Malayziyaning Boeing samolyoti qulashi bilan bog‘liq tekshiruvlar natijasi avgust oxirida e’lon qilinishi to‘g‘risidagi ma’lumotlar haqiqatga to‘g‘ri kelmaydi. Bu haqda fojianing texnik tafsilotlarini o‘rganayotgan Niderlandiya xavfsizlik kengashi ma’lum qildi, deya xabar bermoqda “Segodnya.ua”.
Mazkur ma’lumotlarni izohlash haqidagi iltimoslarga javoban kengash vakili Sara Fernoy “Yakuniy hisobot oktabrda e’lon qilinadi”,– deya masalaga oydinlik kiritgan.
Oldinroq OAVda Ukraina bosh vaziri o‘rinbosari, halokat sabablarini o‘rganish bo‘yicha davlat komissiyasi raisi Gennadiy Zubkoga tayanib, Ukrainada Boeing samolyoti qulashi tafsilotlari avgust oxirida oshkor etilishi xabar qilingan edi.
Izoh (0)