Zimbabve aholisi va xalqaro hamjamiyat Hvange milliy bog‘ida 13 yoshli Sesil laqabli sherni otib o‘ldirgan minnesotalik tish shifokori Uolter Palmer uchun munosib jazo berilishini talab qilayotgan bir paytda, mashhur shaxslar ham bundan chetda qolgani yo‘q. Jumladan, taniqli aktyor, Kaliforniyaning sobiq gubernatori Arnold Shvarsenegger ham o‘z fikrini bildirdi. Bu haqda “Segodnya.ru” xabar bermoqda.
“Janob Koinot” va “Janob Olimpiya” unvonlarining ko‘p karra sohibi Instagram tarmog‘ida o‘zining sovrinlar bilan tushgan suratini joylashtirib, aynan ularni munosib o‘lja deya hisoblashini ma’lum qildi.
Eslatib o‘tamiz, Zimbabve politsiyasi amerikalik “ovchi”ni javobgarlikka tortish bo‘yicha hujjatlarni tayyorlamoqda. Palmer ommaviy namoyishlar o‘tkazilayotgan va ostonasi sher ko‘rinishidagi yumshoq o‘yinchoqlar bilan to‘lib ketgan Minnesotadagi idorasini vaqtincha yopishga majbur bo‘ldi. U qo‘lga kiritgan o‘lja — Sesilning boshi va terisi musodara etildi.
Izoh (0)