KXDRda shimoliy koreyaliklarning uncha katta bo‘lmagan guruhi va chet ellik sayyohlar uchun syorfing-oromgoh tashkil etiladi, deya xabar bermoqda The Guardian.
Qayd etishlaricha, tashkilotchilarning mazkur g‘oyasi mamlakatning sayyohlik salohiyatini imkon qadar oshirishga harakat qilayotgan KXDR rahbariyati tomonidan ma’qullangan.
Dastlabki sayyoh-syorferlar 2015-yilning sentabr oyida Yapon dengizining Xamxin shahri atrofidagi sharqiy sohillariga tashrif buyuradi. Uri Tours’ning ma’lum qilishicha, sayohat sakkiz kun davom etadi.
Mazkur sayohat bir syorfer uchun mehmonxonadan bir kishilik o‘rin band qilinganda 3,2 ming, ikki kishilik o‘rin band qilinganda esa 2,4 ming dollarga tushadi. Bunga mamlakat bo‘ylab barcha sayohat, gidlarning xizmat haqi, viza va ovqatlanish xarajatlari kiritilgan.
Syorfingdan tashqari, sayohat qatnashchilari Pxenyanning e’tiborga molik joylari bilan tanishishlari, shuningdek, Janubiy Koreya bilan chegaradagi qurolsizlantirilgan hududni tomosha qilishlari mumkin bo‘ladi.
Izoh (0)