КХДРда шимолий кореяликларнинг унча катта бўлмаган гуруҳи ва чет эллик сайёҳлар учун сёрфинг-оромгоҳ ташкил этилади, дея хабар бермоқда The Guardian.
Қайд этишларича, ташкилотчиларнинг мазкур ғояси мамлакатнинг сайёҳлик салоҳиятини имкон қадар оширишга ҳаракат қилаётган КХДР раҳбарияти томонидан маъқулланган.
Дастлабки сайёҳ-сёрферлар 2015 йилнинг сентябрь ойида Япон денгизининг Хамхин шаҳри атрофидаги шарқий соҳилларига ташриф буюради. Uri Tours’нинг маълум қилишича, саёҳат саккиз кун давом этади.
Мазкур саёҳат бир сёрфер учун меҳмонхонадан бир кишилик ўрин банд қилинганда 3,2 минг, икки кишилик ўрин банд қилинганда эса 2,4 минг долларга тушади. Бунга мамлакат бўйлаб барча саёҳат, гидларнинг хизмат ҳақи, виза ва овқатланиш харажатлари киритилган.
Сёрфингдан ташқари, саёҳат қатнашчилари Пхеньяннинг эътиборга молик жойлари билан танишишлари, шунингдек, Жанубий Корея билан чегарадаги қуролсизлантирилган ҳудудни томоша қилишлари мумкин бўлади.
Изоҳ (0)