Shvetsiya janubidagi Kalmar shahrida qochoqlarga bepul yo‘l chiptalari beriladi. Muhojirlarni qo‘llab-quvatlash mahalliy tashkiloti shunday tashabbus bilan chiqdi. Bu haqda The Local xabar bermoqda.
Ushbu tashkilot vakillarining fikricha, erkin harakatlanish muhojirlarga shved jamiyatiga tezroq qo‘shilib ketish imkoniyatini beradi.
Ma’lumotlarga ko‘ra, bu tashabbus bir yil davom etadi va davlat g‘aznasiga har oyda 500 ming kronaga (58,6 ming dollardan ziyod) tushadi. Yo‘l chiptalarini qochoqlar shu yil oktabr oyidan boshlab olishi mumkin.
Ma’lumot o‘rnida: Yevropa Ittifoqi mamlakatlari orasida Shvetsiyaga aholi jon boshiga hisoblaganda eng ko‘p qochoq to‘g‘ri keladi.
Izoh (0)