Nepaldagi qishloqda yosh bolani qurbonlik qilishdi. Bu haqda Reuters xabar berdi.
O‘n yoshli Jivan Koxarning tanasi Nepal janubi-g‘arbidagi Kudiyya qishlog‘i atrofidagi daladan topilgan. Politsiya o‘likni ko‘zdan kechirish chog‘ida bolaning boshi tanasidan deyarli ajratib olinganiga e’tibor qaratdi.
Tekshiruv qotillik mahalliy aholi vakillaridan biri — Koday Xarijan buyurtmasi bo‘yicha amalga oshirilganini aniqladi.
U kasal farzandini davolash uchun afsungarga murojaat qilganida buning uchun insonni qurbonlik qilish lozimligi haqidagi maslahatni oladi. Xarijan maydonda o‘ynayotgan bolani shirinlik va 50 rupiy (yarim dollar) bilan aldab, qishloq chetidagi ibodatxonaga yetaklaydi. U yerda esa afsungar bolaning kallasini olish bilan yakunlangan marosimni bajaradi.
Politsiya qotillikda gumon qilib 11 kishi, jumladan, afsungarning o‘zini ham hibsga oldi. Besh nafar gumonlanuvchi (ular orasida buyurtmachi ham bor) ayblarini tan oldi. Ularni bir umrlik qamoq jazosi kutmoqda.
Izoh (0)