Швеция жанубидаги Кальмар шаҳрида қочоқларга бепул йўл чипталари берилади. Муҳожирларни қўллаб-қуватлаш маҳаллий ташкилоти шундай ташаббус билан чиқди. Бу ҳақда The Local хабар бермоқда.
Ушбу ташкилот вакилларининг фикрича, эркин ҳаракатланиш муҳожирларга швед жамиятига тезроқ қўшилиб кетиш имкониятини беради.
Маълумотларга кўра, бу ташаббус бир йил давом этади ва давлат ғазнасига ҳар ойда 500 минг кронага (58,6 минг доллардан зиёд) тушади. Йўл чипталарини қочоқлар шу йил октябрь ойидан бошлаб олиши мумкин.
Маълумот ўрнида: Европа Иттифоқи мамлакатлари орасида Швецияга аҳоли жон бошига ҳисоблаганда энг кўп қочоқ тўғри келади.
Изоҳ (0)