New Horizons qurilmasi yordamida olingan yangi ma’lumotlar Pluton sayyorasi atmosferasida tolinlar — metan va etan singari oddiy organik to‘qimalardan tashkil topgan turli organik moddalarning qorishmalari borligini tasdiqladi. Bu haqda “Gazeta.ru” xabar bermoqda.
Ba’zi tadqiqotchilar mazkur qorishmalarni “hayotning kimyoviy ibtidosi” deb ataydi, chunki, ba’zi farazlarga ko‘ra, kometalar mazkur qorishmalarni Yerga olib kelgan va shu sababli sayyoramizda hayot paydo bo‘lgan bo‘lishi mumkin.
Xususan, bunga dalil sifatida kometalar va boshqa fazoviy jismlarda tolinlarning uchrashi ko‘rsatiladi. Biroq mazkur faraz borasida yagona qaror qabul qilingan emas.
Bundan tashqari, New Horizons Pluton sathidagi bosim Yerdagiga nisbatan 100 ming marta kichik ekanligini aniqladi. Shuningdek, olimlarning zond yo‘llagan axborotga asoslanib tasdiqlashlaricha, Plutonda ob-havo sharoitlari o‘zgarib turadi.
Izoh (0)