New Horizons қурилмаси ёрдамида олинган янги маълумотлар Плутон сайёраси атмосферасида толинлар — метан ва этан сингари оддий органик тўқималардан ташкил топган турли органик моддаларнинг қоришмалари борлигини тасдиқлади. Бу ҳақда «Газета.ru» хабар бермоқда.
Баъзи тадқиқотчилар мазкур қоришмаларни «ҳаётнинг кимёвий ибтидоси» деб атайди, чунки, баъзи фаразларга кўра, кометалар мазкур қоришмаларни Ерга олиб келган ва шу сабабли сайёрамизда ҳаёт пайдо бўлган бўлиши мумкин.
Хусусан, бунга далил сифатида кометалар ва бошқа фазовий жисмларда толинларнинг учраши кўрсатилади. Бироқ мазкур фараз борасида ягона қарор қабул қилинган эмас.
Бундан ташқари, New Horizons Плутон сатҳидаги босим Ердагига нисбатан 100 минг марта кичик эканлигини аниқлади. Шунингдек, олимларнинг зонд йўллаган ахборотга асосланиб тасдиқлашларича, Плутонда об-ҳаво шароитлари ўзгариб туради.
Изоҳ (0)