20-iyul kuni iste’foga chiqqan Qirg‘iziston prezidenti ma’muriyatining sobiq rahbari Daniyar Narimbayev qo‘lga olindi va respublika milliy xavfsizlik davlat komissiyasining tergov izolyatoriga joylashtirildi, deb xabar qiladi “RIA Novosti”.
Narimbayev 22-iyul kuni Bosh prokuraturada so‘roq qilinganidan keyin hibsga olingan. U Bishkek meri Nariman Tyuleyevning mamlakat Oliy sudidagi ishi ijobiy yakunlanishi uchun korrupsiyaga aralashganlikda va ayblanuvchining qarindoshlaridan pora olganlikda gumon qilinmoqda.
Bishkekning Oktyabr tumani sudi gumonlanuvchini tergov tugaguncha, 2 oy davomida hibsda ushlab turishga qaror chiqardi.
Bir hafta oldin parlament deputati Xajimurat Korkmazov ham Nariman Tyuleyevning ishi ijobiy yakunlanishi uchun 100 ming dollar miqdorida pora olayotganida Qirg‘iziston Milliy xavfsizlik davlat komissiyasi tomonidan qo‘lga olingandi.
Izoh (0)