Xitoyning Szyansu provinsiyasi Szinszyan shahrida kardiojarroh o‘zining aortasi yorilib ketganiga qaramay, yurak ustidagi murakkab operatsiyani muvaffaqiyatli yakunladi, deya xabar bermoqda “TASS”.
Miokard infarktini boshidan kechirgan keksa bemorni operatsiya qilish chog‘ida jarrohning o‘zi ko‘kragida kuchli og‘riqni his qilgan. Biroq operatsiyaning eng avjida shifokorni almashtirish kasal uchun xatarli bo‘lishi mumkinligidan xavfsirab, Xu Fanbin oxirigacha chidab berishga qaror qildi.
Jarrohga shoshilinch ravishda og‘riqni qoldirish uchun ikkita morfin ukoli yuborildi, shundan so‘ng u operatsiyani davom ettirdi. So‘nggi chokni tushirgachgina, u hamkasblaridan o‘zini tekshirib qo‘yishni so‘radi.
Unga “yurak aortasi anevrizmi” tashxisi qo‘yildi va 12 soat davomida operatsiya qilindi. Ayni paytda Xu Fanbinning hayoti xavfdan xoli.
Izoh (0)