Financial Times’ni Yaponiya mediakompaniyasi 1,3 mlrd dollarga sotib oladi

Yaponiyaning eng yirik mediakompaniyalaridan biri Nikkey Britaniyaning Financial Times nashrini deyarli 1,3 milliard dollarga sotib olmoqchi, deya xabar bermoqda “Yevropeyskaya Pravda”.

Gazetaga egalik qiluvchi Pearson kompaniyasi tarkibiga Financial Times kiruvchi guruhni, shuningdek, Economist  jurnalini nashr etuvchi Economist Group’ning 50 foiz aksiyalarini sotish imkoniyatini ko‘rib chiqqan.

Yapon kompaniyasining taklifi Germaniyaning Axel Springer AG kompaniyasi taklifidan manfaatliroq bo‘lib chiqdi (avvalroq Germaniya kompaniyasi bilan ham muzokaralar olib borilgan edi). 23-iyul, payshanba kuni nemis kompaniyasi qisqa bayonot berib, Financial Times’ni sotib olmasligini ma’lum qildi.