Yevropa Ittifoqiga a’zo mamlakatlar moliya vazirlari Gretsiyaga yetti milliard yevro miqdoridagi qisqa muddatli kredit berilishini ma’qulladi, deya xabar beradi Meduza.
Bridj-kredit (qisqa muddatli yordam krediti) Gretsiya xalqaro kreditorlar bilan islohotlar rejasini kelishgandan so‘ng oladigan ilk moliyaviy yordam bo‘ladi. Gretsiyaning uch yil davomida qarzga muhtojligini Xalqaro valyuta jamg‘armasi 82—86 milliard yevroga baholaydi, Afinaning o‘zi esa bu muddatga 53,5 milliard yevro so‘ragan.
Eslatib o‘tamiz, 13-iyulda YeI va Gretsiya yetakchilari islohotlar rejasini o‘zaro kelishib oldi, 16-iyul, payshanbaga o‘tar kechasi esa Gretsiya parlamenti bu rejani ma’qulladi.
Izoh (0)