Buyuk britaniyalik 101 yoshli Doris Long Portsmutdagi Spinaker minorasi tashqi tomonidan arqonda pastga tushib, o‘ziga tegishli avvalgi rekordni yangiladi. Bu haqda The Guardian nashriga tayanib, “Uz24.uz” xabar bergan.
Abseyling (tik qiyalik yoki devordan arqon yordamida tushish) bilan shug‘ullanishni xush ko‘radigan Doris mahalliy xospis uchun mablag‘ to‘plash maqsadida yangi marraga bel bog‘ladi. Xonim 94 metrli masofani bosib o‘tdi, vaholanki, ob-havo buning uchun juda qulay edi deb bo‘lmasdi: qaytib tushayotganida shamol ko‘tarilib, yomg‘ir yog‘a boshladi.
Xavfli mashg‘uloti tufayli Longni “Qo‘rqmas Doris” deb atashadi. Abseyling bilan ayol 85 yoshda shug‘ullana boshlagan.
Izoh (0)