Fransiyada milliy bayram — Bastiliya ishg‘ol qilingan kun nishonlanadigan 14-iyul sanasida bezorilar 721 ta avtomashinani yoqib yubordi, deb xabar qiladi “TASS”.
Mamlakat ichki ishlar vazirligi bergan xabarga ko‘ra, tartib posbonlari 603 kishini hibsga olgan. Hodisalarning katta qismi 13-iyuldan 14-iyulga o‘tar kechasi sodir bo‘ldi. IIV qayd etishicha, joriy yilda mashinalarni yoqish 2014-yilga nisbatan 23 foizga, qo‘lga olinganlar soni esa 68 foizga oshgan.
15-iyulga o‘tar kechasi bayram tadbirlari davom etdi va hibsga olinganlar soni 723 kishini tashkil qildi.
Tartibsizliklar Fransiyaning ko‘plab katta shaharlarida ham sodir bo‘ldi. Lionda katta supermarket yoqib yuborildi, bezorilar o‘t o‘chirish va politsiyaning patrul mashinalariga hujum uyushtirdi.
Sen-Sen-Deni departamentida do‘konlardan tashqari maktab binolariga ham o‘t qo‘yildi.
Izoh (0)