Londonlik Jemma Rojers ijtimoiy tarmoqdagi akkauntini tiklash uchun o‘zining haqiqiy ismi-sharifini Facebook'dagi taxallusiga almashtirdi. 30 yoshli ayol chindan ham rasman Jemmaroid fon Laalaa bo‘ldi, ammo bu yangilik ijtimoiy tarmoq ma’muriyatini ayolning sahifasini ochib berishga ko‘ndirganicha yo‘q, deya xabar bermoqda The Daily Telegraph.
Tibbiyot bilan shug‘ullanadigan Rojers 2008-yilda Facebook'da sahifa ochib, “do‘stlashish”ga takliflardan o‘zini olib qochish maqsadida biroz g‘alatiroq nom tanlaydi. 2015-yil iyunida esa unga Facebook'dan ismi va akkaunti haqiqiy ekanligini tasdiqlovchi hujjatlarni yuborishini so‘raydi.
Sahifasi berkitilishidan cho‘chigan ayol tekshiruvchilarga tarmoqdagi nomi — Jemmaroid fon Laalaa tushirilgan soxta bank kartalari suratini yuboradi. Facebook'da qalbakilikni payqab qolishadi va Rojersga sahifasiga kirish to‘xtatiladi.
Nashrning yozishicha, fon Laalaa hali ham sahifasiga kirolmayapti, ammo bank kartalari va haydovchilik guvohnomasini yangi nomga rasmiylashtirib ulgurdi. Facebook xonimga uning muammosi avvalgidek o‘rganilayotganini ma’lum qilgan.
Izoh (0)