Ukrainaning Turkiyadagi faxriy elchisi Levent Aydinning vakolati to‘xtatildi, deya xabar bermoqda “Segodnya.ua” Ukraina tashqi ishlar vaziri Pavel Klimkinga tayanib.
“Levent Aydin ko‘plab Ukraina fuqarolariga yordam bergan, biroq prinsip masalasi bor. Men uning Ukraina faxriy konsuli vakolatini to‘xtatishga qaror qildim”, — deb yozdi Klimkin o‘z Twitter’ida.
TIV rahbari konsul Ukraina diplomati bo‘lmagani, Aydin Turkiya fuqarosi ekanligini ta’kidladi.
Nashr eslatishicha, o‘tgan hafta Aydin “Antalyaspor” jamoasi bilan shartnoma imzolagan futbolchi Samuel Eto’O taqdimotiga Rossiya prezidenti Vladimir Putin rasmi tushirilgan futbolkada kelgan edi.
Izoh (0)