Chet ellik sayyohlarga Shimoliy Koreya bo‘ylab poyezdda sayohat qilishga ruxsat berildi

Chet ellik sayyohlarga ilk bor Shimoliy Koreya hududi bo‘ylab poyezdda sayr qilish huquqi taqdim etiladi. Bu haqda “Nur.kz” xabar bermoqda.

Sayohatlar yiliga 2,5 ming nafar g‘arblik sayyohlarning KXDRga safarlarini uyushtiradigan Pekindagi Koryo Tours tur-kompaniyasi tomonidan tashkil etiladi.

Koryo Tours vakillarining ma’lum qilishicha, poyezddagi 11 kunlik dastlabki sayohat 2-oktabr kuni start oladi. Bunday sayohat narxi bir kishi uchun 2,9 ming yevroni tashkil etadi.

Dastur bo‘yicha, temiryo‘l sayohati ishtirokchilari Pxenyanga uchib kelganidan so‘ng 1970-yillarning vagonlarida mamlakat shimoli-sharqidagi Chxonjin port shahriga yo‘l oladi.

Sayyohlar “to‘laqonli vagon-restorani bor” poyezdda Shimoliy Koreyaning Sinpxo va Kimchxek shaharlarini ham tomosha qiladi.