3D texnologiyasi yordamida qurilgan dunyodagi ilk ofis binosi Dubayda paydo bo‘ladi, deb xabar qiladi “Korrespondent.net”.
Dubay hukumati 3D-printerlar bozorida o‘zini ko‘rsatgan Xitoyning WinSun Global kompaniyasi bilan hamkorlikda ushbu qurilish loyihasi tashkilotchisi hisoblanadi.
Reuters agentligi bergan xabarga ko‘ra, yangi imorat qurilishida 6 metrli printerdan foydalaniladi. Qurilma uchun material vazifasini gips, temirbeton, plastik va armaturali shisha tola bajaradi.
Chop qilish texnologiyasi yordamida quruvchilar nafaqat binoning asosiy elementlarini, balki ichki bezak va mebelni ham yaratishni rejalashtirmoqda.
https://youtu.be/AaJGZ2aG868
Loyiha tashkilotchilari bu turdagi texnologiya qurilishga sarflanadigan vaqtni 50—80 foizga tejashiga umid qilmoqda.
Izoh (0)