Amerikaning General Motors avtokonserni “yangi avtomobil dasturi”ga 245 million dollar miqdorida investitsiya kiritishini e’lon qildi. Motor.ru ma’lumotlariga ko‘ra, mazkur mablag‘ Bolt elektromobilining ommaviy ishlab chiqariladigan modeli, shuningdek, hozircha nomi ma’lum qilinmagan yana bir modelni ishlab chiqarish uchun yo‘naltiriladi.
Chorak milliard dollar miqdoridagi sarmoya Detroyt yaqinida joylashgan Orion Assembly korxonasiga kiritiladi. Mazkur mablag‘ hisobidan General Motors qo‘shimcha 300 ishchi o‘rinni tashkil etishni maqsad qilgan. USA Today’ning qayd etishicha, yangi modellarni ishlab chiqarish uchun zarur uskunalarni korxonaga o‘rnatish ishlari kelasi yili boshlanadi.
GM vakillarining qo‘shimcha qilishlaricha, mazkur 245 million umumiy miqdori 5,4 milliard dollarga teng uch yillik investitsiya dasturining bir qismidir. Bu pullarning hammasi konsernning AQShdagi ishlab chiqarish quvvatlarini rivojlantirishga sarflanadi.
Izoh (0)