“Championat.asia” sayti jahondagi eng qimmat stadionlar o‘nligini taqdim etdi.
10. “Lukas Oyl” (Indianapolis, AQSh)
Qurilgan: 2008-yilSig‘imi: 66 000 tomoshabinSarflangan mablag‘: 675 million dollarKo‘p imkoniyatlarga ega “Lukas Oyl” stadioni NFL jamoasi “Indianapolis Kolts” uy uchrashuvlari va boshqa sport turnirlari o‘tkazish uchun qurilgan.Qiziq fakt: 2009-yilning noyabrida mahalliy telekompaniya stadionda gigiyenaga juda ham e’tibor berilmasligini aniqladi.
9. “Safeko Fild” (Sietl, AQSh)
Qurilgan: 1999-yilSig‘imi: 66 000 tomoshabinSarflangan mablag‘: 714 million dollarArena “Sietl Mariners” beysbol jamoasi uchun maxsus qurilgan. Bu haqda 1995-qaror qilingan, qurilish esa 1997-yilning martida boshlangan.Qiziq fakt: Agar o‘yin boshlanganida tomi yopiq bo‘lsa, uchrashuv vaqtida u ochilishi mumkin. Buni faqat hakam hal qiladi, shu bilan birga tom o‘yin davomida faqat bir marta ochiladi.
8. “Emireyts” (London, Buyuk Britaniya)
Qurilgan: 2006-yilSig‘imi: 60 000 tomoshabinSarflangan mablag‘: 770 million dollarJahonning eng zamonaviy va yuqori texnologik imkoniyatlarga ega stadionda “Arsenal” uy uchrashuvlarini o‘tkazadi va arena milliy terma jamoalar o‘rtoqlik uchrashuvini o‘tkazishi uchun ijaraga beriladi.Qiziq fakt: 2009-yilda “Emireyts”da Gordon Braun va Nikolya Sarkozi uchrashib, Arsen Venger va “Arsenal”ga ishora qilib, bu stadionni ingliz-fransuz hamkorligining yorqin misoli deb atagan.
7. “Rojers Sentr” (Toronto, Kanada)
Qurilgan: 1989-yilSig‘imi: 50 000 tomoshabinSarflangan mablag‘: 930 million dollarStadion “Toronto Argonavts” kanadacha futbol jamoasi va “Toronto Blu-Jeys” beysbol jamoasining uy arenasi hisoblanadi.Qiziq fakt: “Rojers Sentr” 20 daqiqada tomi ochilib yopiladigan jahondagi ilk stadion bo‘lgan.
6. “Stad de Frans” (Sen-Deni, Fransiya)
Qurilgan: 1998-yilSig‘imi: 80 000 tomoshabinSarflangan mablag‘: 974 million dollarJCh—1998 uchun qurilgan maxsus stadion hozirda kubok finallari, terma jamoa o‘yinlari, avto va moto gonka hamda chang‘i musobaqalari o‘tkazishga xizmat qilyapti.Qiziq fakt: Fransiya prezidenti bir yilda kamida ikki marta — futbol va regbi bo‘yicha mamlakat Kubogi finaliga keladi.
5. “Medison-skver-garden” (Nyu-York, AQSh)
Qurilgan: 1968-yilSig‘imi: 18 000 tomoshabinSarflangan mablag‘: 1,1 milliard dollarAfsonvaiy sportkompleks “Reynjers” nomli xokkey va “Niks” nomli basketbol jamoalarining uy arenasi hisoblanadi.Qiziq fakt: Loyiha arxitektori va “Pepsodent” kompaniyasi prezidenti Charlz Lakman o‘z muvaffaqiyati siriga quyidagicha tarif bergan: “Men anchadan beri tonggi soat beshda uyg‘onishga o‘rganib qolganman, bu kun davomidagi eng yaxshi vaqt. Bu paytda miyam juda yaxshi ishlaydi va men o‘z ishlarimni juda yaxshi rejalashtiraman”.
4. “Zenit-Arena” stadioni (Sankt-Peterburg, Rossiya)
Sig‘imi: 69 500Sarflangan mablag‘: 1,1 milliard dollarJCh—2018 uchun qurilayotgan “Zenit” stadionining ochilishi bir necha marotaba qoldirilgan. Stadion foydalanishga topshiriladigan sanasi 2012-yil edi. Ammo u haligacha foydalanishga topshirilmadi.Qiziq fakt: Qurilayotgan stadionda birinchi o‘yin 2009-yilda o‘tkazilgan. Buyurtmachi va bosh pudratchi jamoalari kichik pudratchilarni 3:0 hisobida mag‘lub etgan.
3. “Kovboyz Stedium” (Arlington, AQSh)
Qurilgan: 2009-yilSig‘imi: 80 000 tomoshabinSarflangan mablag‘: 1,3 mlrd dollarDunyodagi eng katta yopiq stadionni NFL jamoasi “Dallas Kovboyz” uchun qurilgan.Qiziq fakt: Jerry-Tron nomli yirik ikki tomoni yuqori ko‘rsatkichga ega rangli ekran jahonning eng katta ekrani sifatida Ginnesning Rekordlar kitobiga kiritilgan.
2. “Olimpiya stadioni” (Monreal, Kanada)
Qurilgan: 1976-yilSig‘imi: 60 000 tomoshabinSarflangan mablag‘: 1,4 milliard dollarKanadadagi yozgi Olimpiada o‘yinlari uchun qurilgan “The Big O” nomli stadionda, beysbol va amerikancha futbol o‘yinlari o‘tkaziladi.Qiziq fakt: 1976-yilgi Olimpiadada futbol sport turida Polsha GDRga yutqazgan o‘yinda, 72 000 muxlis yig‘ilgan va bu Kanada futbolidagi hozirgacha yangilanmagan rekorddir.
1. “Uembli” (London, Buyuk Britaniya)
Qurilgan: 1923 (2007-yilda to‘liq rekonstruksiya bo‘lgan)Sig‘imi: 90 000Sarflangan mablag‘: 1,5 milliard dollar.Angliya terma jamoasining uy stadionida konsertlar, kubok finallari va regbi o‘yinlari o‘tkaziladi.Qiziq fakt: Yangi “Uembli” arxitektori Norman Forster Pushkin muzeyining rekonstruksiyasida ham ishlagan va Chinni orolni ishlab chiqqan.
Izoh (0)