Rossiyaning Ural federal okrugi va Perm o‘lkasi aholisi 22-iyun tunida 30 darajadan oshiq haroratda qutb yog‘dusini ko‘rdi. Bu holat Chelyabinsk, Perm va Ivdel shaharlarida qayd etildi. Kour observatoriyasida “TASS” muxbiriga ma’lum qilishlaricha, ushbu tabiat hodisasi tunda qayd etilgan Yer geomagnit maydonidagi o‘zgarishlar tufayli sodir bo‘lgan.
“Shimol yog‘dusi yil fasllari va haroratga bog‘liq bo‘lmagan tabiat hodisasidir, — deya izoh berishdi observatoriyada. — Quyoshdagi 22-iyunda sodir bo‘lgan qo‘zg‘alishlar sayyoramiz geomaydoniga ta’sir etgan va natijada Ural hamda Perm o‘lkasida shimol yog‘dusi paydo bo‘lgan”.
Oxirgi marotaba bunday hodisa bu hududlarda bundan besh yil avval kuzatilgani xabar qilinmoqda.
Izoh (0)