AQSh mudofaa vaziri Eshton Karter Berlinga tashrifi chog‘ida Amerika YeIdagi sheriklari bilan Sharqiy Yevropaga og‘ir qurol-aslahalarni joylashtirish bo‘yicha rejalarni muhokama qilayotganini tasdiqladi. Bu haqda Germaniyada chop etiladigan Frankfurter Allgemeine Zeitung nashriga asoslanib, “RIA Novosti” xabar qiladi.
“Bunday imkoniyatlarni ko‘rib chiqib, sheriklarimiz bilan muhokama qilyapmiz. Biz Rossiyaning ilgarigi, xuddi sovet davridagi kabi ta’sir doirasini o‘ziga qaytarish borasidagi harakatlariga qarshi turamiz”, — dedi Karter Ukrainadagi inqirozni nazarda tutib.
Pentagon rahbari Yevropada harbiy texnika mashqlar o‘tkazish va harbiy xizmatchilar tayyorlash uchun doimo shay turishini ta’kidladi. Karter Germaniya ma’murlarining mamlakat harbiy byudjetini oshirish haqidagi niyatlarini ma’qulladi, ammo buni hali yetarlicha emas, deb hisoblashini bildirib o‘tdi.
Izoh (0)