Tailandda uch bosqichdan iborat Osiyo Gran-Prisining birinchi bosqichi bo‘lib o‘tmoqda. O‘tkazilgan birinchi bosqich yakunlariga ko‘ra o‘zbekistonlik atlet sovrinli o‘rinni egalladi, deb xabar beradi O‘zbekiston Milliy olimpiya qo‘mitasi matbuot xizmati.
Uch hatlab sakrash bahslarida ishtirok etgan Aleksandra Kotlyarova 13,76 metr natija qayd etib, musobaqaning kumush medaliga sazovor bo‘ldi. Birinchi o‘rinni qo‘lga kiritgan xitoylik Li Siaoxong 6 santimetr uzoqroqqa sakragan.
Nayza uloqtirish musobaqasida ishtirok etgan yana bir o‘zbekistonlik sportchi Bobur Shokirjonov 72,09 metr natija bilan kuchli beshlikdan joy oldi.
Izoh (0)