Tennis bo‘yicha Uimbldon turniri tomoshabinlariga gadjetlar, shu jumladan smartfon va planshetlardan foydalanish taqiqlanadi, deya xabar bermoqda Reuters.
“Tashrifchilar o‘zlari bilan bu qurilmalarni olib kelishi mumkin, biroq matchlar davomida qo‘ng‘iroq qilish, suratga olish va videoga tushirishga ruxsat berilmaydi”, — deya aniqlik kiritdi Butunangliya laun-tennis va kroket klubidagilar.
Qoidalarni buzgan tomoshabinlar musobaqalar o‘tkazilayotgan joydan chiqarib yuboriladi, ularning chiptalari esa kuchdan qoldiriladi.
Eslatib o‘tamiz, aprelda Uimbldon tennis musobaqasi tashkilotchilari tomoshabinlarga musobaqalar chog‘ida selfi tayoqlaridan foydalanishni taqiqlagan edi. Ushbu taqiq selfi tayoqlar ko‘pchilik tomoshabinlar g‘ashini keltirishi va matchni huzur-halovat bilan kuzatishga xalal berishi bilan bog‘liqligi aytilgan edi.
Izoh (0)