“Bunyodkor” va O‘zbekiston milliy terma jamoasi yarim himoyachisi Sardor Rashidov keyingi faoliyatini Qatarda davom ettiradi, deb xabar beradi “Championat.asia”.
Qatar chempionatida uchinchi o‘rinni qo‘lga kiritgan “Al Jayish” Sardorning yangi jamoasi bo‘ladi. Klub Sardor bilan uch yillik bitimga imzo chekkan.
Hozircha, bu o‘tish haqida hech qanday rasmiy gap-so‘z yo‘q. Ammo transfer masalalari hal etib bo‘lingan.
“Al Jayish” OChL—2016’ni pley-off bosqichidan boshlaydi. Xuddi shunday Xavi va “Al Sadd” ham uchrashuvlarga saralash o‘yinlaridan qo‘shiladi. Qatar chempionligini qo‘lga kiritgan “Lahviya”gina to‘g‘ridan-to‘g‘ri guruh bosqichida ishtirok etadi.
Qatarda yangi mavsum avgust oyidan start oladi. Demakki, Rashidov birinchi davra yakuniga yetganidan so‘ng “qaldirg‘ochlar” bilan xayrlashadi.
Izoh (0)