2015-yil 11-iyun kuni Oliy va o‘rta maxsus ta’lim vazirligining “Abituriyentlar tomonidan oliy ta’lim muassasasi qabul komissiyasiga topshiriladigan arizalar shaklini tasdiqlash to‘g‘risida”gi buyrug‘i qabul qilindi, deb xabar beradi “Xushnudbek.uz”.
Mazkur buyruqqa ko‘ra, abituriyentlar tomonidan topshiriladigan 6 xil ko‘rinishdagi arizalar shakli tasdiqlandi. Ularning 3 tasi harbiy imtiyozga ega bo‘lmagan abituriyentlar tomonidan (kirill, lotin alifbolarida hamda rus tilida), qolgan 3 tasi esa harbiy imtiyozga ega bo‘lgan abituriyentlar tomonidan to‘ldirilishi belgilandi.
Harbiy imtiyozga ega bo‘lmagan abituriyentlar to‘ldiradigan ariza namunasi:
Harbiy imtiyozga ega bo‘lgan abituriyentlar to‘ldiradigan ariza namunasi:
Abituriyentlar 20-iyul kuniga qadar soat 9:00 dan 18:00 gacha qabul komissiyalariga kelib, o‘z hujjatlarini topshirishi mumkin.
Oliy va o‘rta maxsus ta’lim vazirligining ma’lum qilishicha, abituriyentning hujjatlari to‘plamida ta’lim yo‘nalishi, o‘qitish tili va shakli ko‘rsatilgan holdagi ariza; ta’lim haqida hujjatning asl nusxasi (attestat, kollej/litsey diplomi); 086—U shakldagi tibbiy ma’lumotnoma; pasport nusxasi; 3,5×4,5 hajmda (pasportdagi kabi) 6 ta fotosurat bo‘lishi kerak.
Xalqaro va respublika olimpiadalari, tanlovlar va musobaqa g‘oliblari o‘qishga tanlovsiz kirish huquqini beruvchi hujjatning asl nusxasini taqdim etishi kerak bo‘ladi. Abituriyent qabul komissiyasiga pasport va harbiy xizmatga aloqadorligi haqidagi hujjatni shaxsan ko‘rsatadi.
Eslatib o‘tamiz, Daryo.uz internet-nashri va Xushnudbek.uz sayti qabul komissiyasi faoliyati bilan bog‘liq yangiliklar, ma’lumotlar, bo‘lajak talabalarga maslahat va tushuntirishlar berib boriladigan maxsus “Abituriyent-2015” loyihasini tashkil etdi.
Izoh (0)