Bugun, 22-iyun kuni Toshkentga savdo-iqtisodiy hamkorlik bo‘yicha O‘zbekiston-Tojikiston hukumatlararo komissiyasining navbatdagi yig‘ilishida qatnashish uchun Tojikiston hukumati delegatsiyasi yetib keladi, deya xabar bermoqda “12news.uz”.
Komissiya raisdoshlari O‘zbekiston tomonidan bosh vazir birinchi o‘rinbosari, moliya vaziri Rustam Azimov, Tojikiston tomonidan bosh vazir birinchi o‘rinbosari Davlatali Said hisoblanadi.
Bugungi kungacha O‘zbekiston-Tojikiston hukumatlararo komissiyasining 2 ta yig‘ilishi Dushanbeda bo‘lib o‘tgan: birinchisi – 2002-yilning 22-avgustida, ikkinchisi 2009-yilning 18-fevralida.
Asia-Plus ma’lumotlariga ko‘ra, 2015-yilning yanvaridan beri tojik tomoni ikki davlat munosabatlarini yangi darajaga olib chiqish uchun O‘zbekistonga bir qator takliflarni yo‘naltirgan. Ular orasida Toshkent va Dushanbe o‘rtasidagi aviaqatnovlarni qayta tiklash, ikki mamlakat shaharlari va tumanlariga avtobus reyslarini uyushtirish, ikki davlat fuqarolariga viza olishni yengillashtirish kabi takliflar bor.
Izoh (0)