Kataloniyaning “Barselona” klubi hujumchisi Lionel Messi Madridning “Real” jamoasi hujumchisi Krishtianu Ronaldu bilan raqobatlashmayotganini ma’lum qildi. Bu haqda Championat.com xabar bermoqda.
Futbolchining qayd etishicha, u faqat jamoa oldiga qo‘yilgan vazifalarni bajarishga e’tibor qaratadi.
“Men va Ronaldu o‘rtasida raqobatchilik yo‘q. Bu OAVning uydirmasi. Har ikkalamiz ham o‘z klubimizga foyda keltirishga harakat qilamiz, o‘rtamizda hech qanday raqobat bo‘lmagan”, - dedi Messi.
Messi va Ronalduni har mavsum tez-tez bir-biriga qiyoslab kelishadi. Aksariyat mutaxassislarning fikricha, argentinalik futbolchi portugaliyalikka nisbatan kuchliroq.
Izoh (0)