Toshkentda o‘tkazilayotgan boks bo‘yicha o‘smirlar o‘rtasidagi OChda uch nafar o‘zbekistonlik bokschi yarim finalga chiqdi

Toshkentdagi “O‘zbekiston” sport saroyida 1999—2000-yillarda tavallud topgan bokschilar o‘rtasida o‘tkazilayotgan Osiyo chempionatida 46 kg, 50 kg va 60 kg vazn toifalarida yarim finalga yo‘llanma olgan sportchilar ma’lum bo‘ldi. Bu haqda O‘zbekiston Milliy olimpiya qo‘mitasi matbuot xizmati xabar bermoqda.

Ushbu vazn toifalarida O‘zbekiston sharafini himoya qilayotgan sportchilar Halimbek Utegenov (46 kg), Jahongir Rahmonov (50 kg) va Temurbek Sa’dullayev (60 kg) ham medallar uchun kurashni davom ettirmoqda.

Bugun, 11-iyun kuni qolgan vazn toifalarida ham chorak final bahslari o‘tkaziladi. Mazkur janglarda ham o‘zbekistonlik bokschilar ringga ko‘tariladi.