Braziliyalik murabbiy va sobiq futbolchi Ziko FIFA prezidentligi uchun o‘z nomzodini qo‘ymoqchi ekanligini ma’lum qildi, deb xabar beradi “Meduza”.
“Men tajriba va bilimlarimdan foydalanishni o‘z burchim deb bilaman”, — dedi Ziko. U yana jahon futbolidagi korrupsiya ko‘plab yaxshi insonlarning og‘ir mehnatini yo‘qqa chiqarayotganini qayd etdi.
Ziko murabbiy sifatida dunyoning ko‘plab mamlakatlarida, shu jumladan O‘zbekiston (“Bunyodkor” klubi)da ham ishlaganiga qaramay, unda yuqori lavozimlarda ishlash tajribasi kam.
Eslatib o‘tamiz, 29-may kuni yangi muddatga FIFA prezidenti etib tayinlangan Yozef Blatter 2-iyun kuni korrupsiya bilan bog‘liq mojarolar tufayli iste’foga chiqqandi.
FIFA prezidentligi saylovlari tasdiqlanmagan xabarlarga ko‘ra, 2015-yilning 16-dekabrida o‘tkaziladi. Saylovda Zikodan tashqari Iordaniya shahzodasi Ali bin al Hussayn ham ishtirok etishi kutilmoqda.
Izoh (0)