Toshkentning “Bunyodkor” jamoasi Pro Evolution Soccer o‘yinining 2016-yilgi versiyasida ham bo‘ladi. Bu haqda “Championat.asia” xabar bermoqda.
Konami kompaniyasi PES—2016 o‘yini uchun “qaldirg‘ochlar”dan jamoa formasini tasdiqlab berishini so‘ragan.
Ma’lumotlarga ko‘ra, “Bunyodkor” Jako kompaniyasi ishlab chiqargan formalarni tasdiqlagan.
“Bunyodkor” jamoasining Twitter’dagi sahifasida Konami kompaniyasi FIFA—2016 o‘yinlari uchun formalarni so‘ragani aytilgan. Aslida Konami FIFA o‘yinlarining asosiy raqobatchisi hisoblangan Pro Evolution Soccer o‘yinini ishlab chiqaradi.
“Bunyodkor” klubi 2014-yildan beri PES o‘yinlarida bor.
Championat.asia sayti PES—2016 o‘yinida “Bunyodkor”dan tashqari “Paxtakor”, “Lokomotiv” va “Nasaf” jamoalari bo‘lishini ma’lum qildi.
Izoh (0)