Samsung kompaniyasi yangi himoyalangan Galaxy S6 Active smartfonini rasman taqdim etdi, deb yozadi “Mail.ru”.
Flagman variatsiyasi ko‘p jihatdan original modelga o‘xshash. Unga 5,1 dyuym va 2560×1440 pikselli displey, sakkiz yadroli Exynos 7420 protsessori, 3 GB tezkor va 32 GB ichki xotira, 16 megapikselli asosiy va 5 megapikselli old kamera o‘rnatilgan.
Akkumulyator sig‘imi ancha oshdi va 3500 mA/s ni tashkil qildi, bu Galaxy S6’nikidan 950 mA/s ga ko‘p demakdir. Devaysning asosiy o‘ziga xosligi uning himoyalanganligi hisoblanadi: qurilma qulagan vaqtida uni himoya qiladigan rezinalangan yonlarga ega, shuningdek MIL-STD 810G va IP68 harbiy standarti bo‘yicha sertifikati bor.
Smartfon 1,2 metr balandlikdan yerga tushishi va hech qanday ziyon ko‘rmasligi mumkin.
Smartfon 12-iyun kuni sotuvga chiqadi va dastlab faqat AT&T uchun eksklyuziv bo‘ladi. AQShda uning narxi 700 dollarga teng (shartnoma narxidan subsidiyani olib tashlaganda).
Izoh (0)