Apple kompaniyasi jahon bozoriga yangi dastur bilan chiqadi, u mobil qurilmalar, jumladan smartfonlar egalariga tezkor yangiliklarni yetkazadi, deya xabar bermoqda “TASS”. Xizmat Apple News deb nom oldi.
Uning ishga tushirilishi haqida San-Fransiskodagi an’anaviy Apple ishlab chiquvchilari butunjahon konferensiyasida e’lon qilingan edi. 10-iyun, chorshanba kuni esa kompaniya o‘zining yangi informatsion dasturi haqida qo‘shimcha ma’lumotlarni taqdim etdi.
Eng yangi iOS 9 operatsion tizimiga kiritiladigan servis 50 ta nashr maqola va xabarlarini yangi Apple formatida o‘qish imkonini beradi.
Apple News ishtirokchilari orasida New York Times, Daily Mail, Economist, Time mediaxoldingi, BuzzFeed internet-portali, ESPN telekanali ham bor.
Izoh (0)