Andijonda Turin universitetiga kirish uchun onlayn rejimida test imtihonlari bo‘lib o‘tdi

Toshkentdagi Turin politexnika universitetiga kirishni istaganlar uchun Andijon mashinasozlik institutida Farg‘ona vodiysida yashaydigan abituriyentlar uchun test imtihonlari bo‘lib o‘tdi, deb yozadi “UZ24”.

Test sinovlari birinchi marta onlayn rejimida o‘tkazildi.

“Abituriyentlarni onlayn rejimida saralash yozma shakldagi imtihon olishdan farq qilmaydi. Afzalligi shundaki, natijalarni test topshirib bo‘linganidan so‘ng darhol bilish mumkin, bu o‘z navbatida imtihon qilinayotgan kishining bilimi bahosi shaffof bo‘lishini ta’minlaydi”, — dedi Toshkentdagi Turin universiteti o‘quv bo‘limi mudiri Maqsud Boyjonov.

Universitet prorektori Anita Tabakko aytishicha, onlayn rejimidagi imtihonlar Italiyada amalda keng qo‘llaniladi. Bu mamlakat tashqarisidagi birinchi tajribadir.

Real vaqt rejimidagi saralash Nukus va Toshkentda ham bo‘lib o‘tadi.